Регион, Общество

Коцікі і сабачкі цяпер у спакоі

05.11.2018 13:22

2621 просмотр, 4 комментария

Пасля ад'езду Лукашэнкі з Балбасава мясцовыя жывёлы ўздыхнулі спакойна.

Як і чакалі песімісты, у Балбасаве напярэдадні прыезду Аляксандра Лукашэнкі навялі парадак паводле прынцыпу "пацёмкінскай вёскі", толькі на галоўнай вуліцы. Акрамя таго, у пасёлку рэзка ўзрасла колькасць камунальных работнікаў і, відавочна, супрацоўнікаў спецслужбаў. Але не менш абуральным было тое, што за некалькі дзён да прыезду прэзідэнта ў Балбасаве пачалі адлоў бадзяжных жывёл. Прычым адлоў працаваў без разбору і звозіў у невядомым кірунку сабак і катоў. Нашаму сайту стала вядома, што ў адлоў ледзь не трапілі некалькі хатніх жывёлаў, гаспадары якіх мелі неасцярожнасць выпусціць іх гуляць на двор. Пра захады па адлове катоў і сабак жыхароў ніхто не папярэджваў, таму магчыма, што нехта не далічыўся свайго хатняга гадаванца. А некалькі жыхароў Балбасава ўратавалі любімцаў літаральна з рук людзей, якія іх лавілі.