Сенненскім раённым аддзелам Следчага камітэта па выніках праверкі па факце прычынення цялесных пашкоджанняў 59-гадоваму рабочаму на вытворчасці ўзбуджана крымінальная справа па артыкуле 144 Крымінальнага кодэкса Рэспублікі Беларусь (прычыненне смерці па неасцярожнасці).

Як паведамлялася раней, 16 лістапада 2018 года на адным з прадпрыемстваў, размешчаным ў Сенненскім раёне, адбыўся няшчасны выпадак. Працоўны атрымаў цялесныя пашкоджанні ў выніку падзення калыскі пад'ёмніка трактара "МТЗ", у якой ён знаходзіўся падчас выканання рамонту даху ангара, што месціцца каля фермы. Ад атрыманых траўмаў мужчына памёр у медыцынскай установе, паведамляе афіцыйны прадстаўнік УСК па Віцебскай вобласці Аксана Лазько.

Фотаздымак прадастаўлены УДКСЭ па Віцебскай вобласці.

У выніку праверачных мерапрыемстваў устаноўлена, што 50-гадовы машыніст аўтавышкі пры выкананні работ па бягучым рамонце тэнтавыя пакрыцця дапусціў парушэнне патрабаванняў бяспекі пры эксплуатацыі пад'ёмніка, што пацягнула адлучэнне калыскі ад стралы пад'ёмніка і яе падзенне.

У цяперашні час машыніст прызнаны падазраваным у здзяйсненні злачынства, прадугледжанага ч. 1 арт. 144 Крымінальнага кодэкса Рэспублікі Беларусь (прычыненне смерці па неасцярожнасці).

Расследаванне крымінальнай справы працягваецца.