Адным з найбольш небяспечных месцаў для кіроўцаў у Оршы ўжо шмат гадоў з'яўляецца праезд пад чыгуначным мостам паміж Усходняй і Чаромушкамі. Тут часта адбываюцца аўтамабільныя аварыі, нярэдка з-за няправільных манеўраў утвараюцца заторы. Нягледзячы на горкі вопыт некаторых папярэднікаў, і цяпер знаходзяцца кіроўцы, якія не грэбуюць парушэннямі правілаў. Кіроўцаў вырашылі папярэдзіць плакатам, які змясцілі на трубе на скрыжаванні вуліц Міру і Пагранічнай, акурат перад пачаткам небяспечнай зоны. "Вылез на забитый перекрёсток? Молодец!!! Теперь все вокруг тоже будут стоять!"
