Мароз які прыйшоў на Аршаншчыну перад праваслаўным Раством - гэта яшчэ не пік халадоў. На гэтым тыдні чакаецца, нават, да 30 градусаў марозу. Заўтра - у аўторак 8 студзеня - мароз быццам пойдзе на спад - мінімальная тэмпература да 14 градусаў, у параўнанні з сёняшнімі да мінус 17. Але гэта толькі падманлівае "пацяпленне". Ужо ў сераду 9 студзеня раніцай тэмпература апусціцца да 19 градусаў марозу і будзе падаць яшчэ. Так, вечарам 10 студзеня сіноптыкі абяццаюць ужо да 29 градусаў, а ў пятніцу раніцай і ўсе 30. Пры гэтым, усе гэтыя дні будзе слабая воблачнасць і без ападкаў.
Затое ў выходныя надвор'е пацяплее, але распачнуцца ападкі - усю суботу і і нядзелю чакаюцца снягі і завіруха. Затое днём 12 студзеня будзе каля 0 градусаў.
