На размешчаны тэндар звярнуў увагу сайт "Народныя навіны Віцебска". Аршанскі райвыканкам паводле тэндэру плануе закупіць 2,6 кіламетраў светадыёднай ілюмінацыі кшталту "Даждж", "Шарыкі", "Бахрама". Сума на якую разлічваюць чыноўнікі - 73.600 рублёў. Новая ілюмінацыя павінна з'явіцца ў горадзе ўжо ў гэтым месяцы.
Здавалася б, нічога дзіўнага, што перад новым годам выканкам хоча закупіць гірлянды. Ды і сума ў масштабах усяго раёна не такая і вялікая.
Але той жа сайт "Народныя навіны Віцебска" нагадвае, што ў 2015 годзе "Оршакамгас" ужо закупаў гірлянды на агульную суму 1.368 мільярдаў яшчэ недэнамінаваных рублёў.
