Пасля таго як Лукашэнка пабачыў на "Тэхніцы сувязі" "прэзерватывы, дохлыл пацукоў і іншую наркату" на прадпрыемстве пачалі экстранна наводзіць парадак. Па словах работнікаў прадпрыемства, выкідаць пачалі ўсё: старую мэблю, інструмант, запчасткі, дакументацыю і г.д.
У выніку, смецця сабралася вялікая колькасць. Мясцовыя жыхары заўважылі куды гэтае смецце вывозіцца - за кіламетар ад Барані ў кірунку Чэрвена, каля мясцовых могілак. Тут у месцы дзе бралі пясок утварылася адносна вялікая яма куды і пачалі вывозіць смецце. Відавочна, смецце сюды звозіцца не легальна. Тое, што гэта смецце з "Тэхніцы сувязі" паказвае і тое, што сярод усяго выкінутага не рэдка сустракаюцца інструкцыі на вырабы прадпрыемства і дакуманты. СІтуацыя стала яшчэ горш на днях, калі звалка пачала гарэць.
Знаходзілі сярод выкінутых рэчаў, нават, экспанаты з "Музея працоўнай славы" прадпрыемства. У прыватнасці, партрэт ветэрана працы Бохана Мікалая Цімафеевіча.
Знаходзілі сярод выкінутага і небяспечныя рэчы: хімікаты, акамулятары ад старых радыё-станцыяў, пластык, лямпы - тое, што трэба перапрацоўваць, а не ўтылізаваць.
