Раней мы ўжо паведамлялі, што дырэктара шклоўскага агракамбінату "Заря" арыштавалі і ён ужо паўгады знаходзіцца за кратамі. Яго абвінавачвалі ў крадзяжы прадукцыі з прадпрыемства і дачы хабару. А таксама ў тым, што ён наняў чатырох чалавек для выканання работы на прадпрыемстве, але тыя работы не былі зроблены, хаця больш за 30 тысяч рублёў з касы прадпрыемства дырэктар узяў для яе аплаты.
Сам дырэктар - Аляксандар Карнееў - часткова прызнаў сваю віну ў судзе. І ў выніку атрымаў 1,5 гады ўмоўнага тэрміну са штрафам у 9.800 рублёў. Таксама яму забаронена займаць кіруючыя пасады на два з паловай гады. А маёмасць дырэктара знаходзіцца пад арыштам пакуль той не сплоціць штраф.
