Сайт МНС паведамляе пра чарговую забарону на наведванне лясоў у суседніх раёнах. Гэта вынікае з інфаграфікі апублікаванай на сайце ратавальнікаў.
Нагадаем, што раней забарона на наведванне лясоў у сувязі з сухім надвор'ем і адсутнасцю ападкаў была ўведзена ў Сененскім раёне. Паводле інфаграфікі, зараз гэтая забарона знята. Але надвор'е прынцыпова не змянілася і цяпер забарона на лясныя прагулкі ўведзена ў Талачынскім раёне - тут зафіксаваны трэці ўзровень пажаранебяспекі. Агулам па Віцебскай вобласці забаронена наведваць лясы ў 6 раёнах, але астатнія 5 на захадзе вобласці.
