Дзяржаўная інфармацыйная агенцыя БелТА апісваючы падзею, гаворыць, што госці з Азіі "высока ацанілі інвестыцыйны патэнцыял пляцоўкі "Брэміна-Орша"". У прыватнасці, у паведамленні агенцыі цытуюцца словы амбасадаркі Індзіі ў нашай краіне. А вось, дырэктар "Брэміна-груп" Васіль Дземянцей сказаў больш канкрэтна, у прыватнасці, пра тое, што да канца года ўжо будзе запушчаны аўтамабільны тэрмінал лагістычнага комплексу, а таксама створаны ўмовы для мытні, памежнікаў, фітасанітарных і ветэрэнарных службаў. На гэта будзе асвоена каля 20 мільёнаў даляраў.
Акрамя таго дэлегацыя з індыі наведала аршанскі выканкам дзе таксама гаворка ішла вакол Брэміна-Орша ды ўвогуле прамысловага патэнцыялу Аршаншчыны. З мясцовымі чыноўнікамі гаварылася пра магчымыя прыходы індзійскіх кампаніяў да нас. Акрамя магчымага стварэння вытворчасці на базе Балбасава, абмяркоўвалася і пытанне стварэння агульных адукацыйных праграмаў.
