Орша, Культура

Музей на дзень народзінаў (фота, відэа)

11.05.2018 13:50

2225 праглядаў, 1 каментар

У Селішчы адкрыўся музей сям'і Нагорных

Музей ствараў Юрый Аляксандравіч Нагорны на працягу году пасля смерці сваёй жонкі Тамары Іванаўны. Дата адкрыцця - 9 мая - таксама была абраная не проста так - у гэты дзень Тамары Іванаўне павінна было споўніцца 70 год. Таму цэнтральнай асобай музея, як раз і ёсць Тамара Іванаўна.

Да адкрыцця запрошаныя ўдзельнікі імпрэзы заехалі на могілкі дзе памінальную службу правёў айцец Міхаіл - былы вучань Нагорнай. Тамара Іванаўна з мужам пазнаёміліся на філфаку БДУ дзе разам з імі вучылася шмат будучых знакамітасцяў, пераважна пісьменнікі - падпісаныя імі кнігі таксама сталі часткай экспазіцыі. Па размеркаванні Нагорныя патрапілі ў Барань дзе пачалі працаваць настаўнікамі. З цягам часу Тамара Іванаўна стварыла ў Барані два школьных музея, а Юрый Аляксандравіч быў некаторы час мэрам Барані. Канец сучаснай экспазіцыі прысвечаны дзецям і ўнукам сям'і. Па аналогіі з бараньскім музеем, музей у Селішчы названы "Тамарына сядзіба", а размесціўся ён у летняй кухні лецішча Нагорных, якое будавалася па просьбе Тамары Іванаўны.