Пенсіянерка 1955 году нараджэння заявіла ў міліцыю пра тое, што невядомы скраў яе ровар «Стэлс». Наўпрост з пад'езду дома. Матэрыяльная шкода 400 рублёў. Ровары гэтай маркі часта крадуць у Беларусі. Крадзеж, са словаў жанчыны, адбыўся з 20 гадзін 12-га красавіка да 16 гадзін 13-га красавіка. Пачата крымінальная справа, аматара чужых ровараў шукаюць.
А рабочая 1970 году нараджэння вельмі доўга не была на сваім лецішчы. А дакладней з 2 студзеня па 15 красавіка. А калі прыехала, то ўбачыла, што ў доме выстаўлена акно, вынесены электрычны провад, а таксама алюмініевыя умывальнік, бітон і два вядры. Матэрыяльная шкода склала ўсяго 16 рублёў, але для гаспадаркі страты адчувальныя. Заведзена крымінальная справа.
