Толькі нядаўна паспяхова скончыліся пошукі жыхаркі Оршы Ірыны Маеўскай, а пашуковы атрад "Анёл" абвесціў у вышук яшчэ аднаго чалавека - Аляксандра Домаша. Што цікава, і Маеўская і Домаш жылі ў Оршы на вуліцы Пушкіна. Домаш у доме №17, а Маеўская ў доме №2а. Пра Аляксандра Домаша пашукавікі паведамляюць, што ён яшчэ ў снежгні 2016 года выехаў у Расію на заробкі, апошні раз званіў родным у кастрычніку 2017 года і пасля таго нічога пра яго не вядома.
Асаблівыя прыкметы: рост 170 сантыметраў, худы, вочы блакітныя, волас светлы. У што быў апрануты не вядома.
Калі вы нешта ведаеце пра лёс гэтага чалавека, то пазваніце па мабільных тэлефонах з любога аператара на агульны нумар 7733, або ў міліцыю па нумары 102.
