У гэтым годзе паводзіны галоўнай аршанскай ракі турбуюць многіх аршанцаў - рака яшчэ зімой вырасла настолькі, што затапіла гарадскі пляж, падабраласЯ да некаторых дамоў на беразе. І гэта зусім не азначае, што зімні пад'ём узроўню вады кампенсуе вясенні. Не, вясной рака таксама збіраецца падымацца за кошт выпаўшага снегу. Спрагназаваць на колькі Днепр падымецца і ці будзе ён рэальна пагражаць гараджанам не магчыма, застаецца толькі назіраць.
Назіранні паказваюць, што вясновы рост вады пачаўся на гэтым тыдні. Пакуль ён не значны. Так, 15 чысла вада паднялася на 1 сантыметар, 16-га, 17-га і 18-га на 2 сантыметры. Але такі маленькі рост быў у час мінусавой тэмпературы. На наступным тыдні тэмпература будзе плюсавая і рост узмацніцца.
