Беларусь, Эканоміка

Павялічыліся штрафы

08.02.2018 16:12

2065 праглядаў, 1 каментар

"Зайцы" ў транспарце будуць плаціць болей — павялічыліся штрафы.

Штрафы за безбілетны праезд у гарадскім транспарце выраслі з 31 студзеня. Таксама пачнуць штрафаваць і за неаплачаны правоз ручной паклажы ў цягніках. Калі сёння па дзеючым заканадаўстве штраф у Беларусі за безбілетны праезд у гарадскім транспарце складае палову базавай велічыні, то з 31 студзеня кантралёры атрымалі права накладаць на "зайцоў" штрафы да адной базавай. Адпаведныя змены ўнесены ў адміністрацыйны артыкул 18.30. Памер штрафаў за безбілетны праезд пасажыраў у цягніку рэгіянальных ліній, аўтобусе і маршрутным таксі прыгарадных спалучэнняў застаўся ранейшым: 0,7 базавай велічыні ў цягніках міжрэгіянальных і міжнародных ліній, у аўтобусе і маршрутным таксі міжгародніх спалучэнняў — 1 базавая велічыня. Цяпер базавая велічыня складае 24,5 рубля.