У 8:20 у Оршы быў знойдзены труп мужчыны са слядамі гвалтоўнай смерці. Эксперты вызначылі, што чалавек быў забіты 20-га лістапада прыкладна ў 20:30.
Аператыўная група, што прыбыла на месца, высветліла, што забіты мужчына 1954 года нараджэння, жыхар вёскі Барадзіно. Пошукі падазраванага вяліся нядоўга. У міліцыі падазраюць, што забойства адбылося на бытавой глебе. На дадзены момант версія следства такая: забіты выпіваў у кампаніі пенсіянера, які пражывае ў вёсцы Стаўры. Знянацку паміж мужчынамі ўспыхнула сварка, і пенсіянер ударыў жыхара Барадзіна дошкай па галаве, тым самым забіўшы яго. Падазраваны ў злачынстве ўжо затрыманы.
