Як паведамляе зводка УУС, днём 21 кастрычніка ў міліцыю звярнуўся вартаўнік, які паведаміў пра крадзёж адразу шэрагу рэчаў. Невядомы злачынца скраў: газавы балон, два ровары, палову кубічных метры дроваў, металічную тару і, магчыма, каб усё гэта давезці, садовую цялежку. Хаця спіс крадзенага выглядае даволі вялікім, міліцыя ацаніла ўсю нажыву вора ў 150 рублёў. Заведзена крымінальная справа, але пакуль што вор не знойдзены.
Яшчэ пра адно здарэнне на мінулым тыдні паведамляе зводка МУС. У Талачынскім раёне каля вёскі Рыжычы міліцыянты затрымалі мікрааўтобус у якім жыхар Маладзечна вёз 1,6 тонаў медзі без адпаведных дакумантаў.
