У інтэрнэт запушчаны відэаролік з кароткай гісторыяй Беларусі. Яго адметнасць у тым, што створаны ён у жанры Countryballs, які стаў папулярным у апошні час дзякуючы сацыяльным сеткам. Часта дзякуючы гэтаму жанру тлумачацца некаторыя падзеі сусветнай гісторыі. Своеасаблівыя коміксы, дзе кожны шар азначае асобную краіну ці гістарычную вобласць, прадстаўляюць іншы падыход да расповяду гісторыі, чым гэта ўтрымліваецца ў падручніках.
У роліку пра гісторыю Беларусі знайшлося месца і для вялікай падзеі айчыннай гісторыі — Бітвы пад Воршай 1514 года. Тады нашы войскі ўшчэнт разграмілі войска Маскоўскага княства. У нашага горада з'явіўся і свой шар.
