2-га жніўня па Віцебскай вобласці і некаторых іншых рэгіёнах Беларусі пракаціўся магутны ўраган. Закрануў ён і Аршаншчыну. Стыхія разбушавалася ў пасёлку Арэхаўск настолькі, што пашкодзіла дах жылога дома. Дом на 27 кватэраў належыць КУП "Оршакамгас". Пашкоджаны 25 лістоў шыферу, а менавіта 40 квадратных метраў. На шчасце, пацярпелых не аказалася. Шкода ад стыхіі па Віцебшчыне даволі моцная - дзесьці сарваны дах, дзесьці выбітыя вокны, дзесьці маёмасць дэфармавана ўпаўшымі дрэвамі. Ратавальнікі і гаспадары маёмасці яшчэ не паспелі падлічыць да канца, колькі бяды ў канчатковым выніку натварыў вецер.
Летась па Аршаншчыне пракаціўся яшчэ адзін магутны ўраган. Тады ён закрануў пераважна раёны "Заходні" і "Вакзальны", пры гэтым у раёне "Паўночны" чуліся толькі адгалоскі стыхіі.
