Нагадаем, што перад акцыямі пратэсту ў Оршы адбыўся вобшук у памяшканні, якое выкарыстоўвалі дэмакратычныя актывісты для сваёй працы. У выніку вобшуку, з памяшкання была забраная "на экпертызу" амаль уся тэхніка: кампутары, ноўтбук, некалькі прынтараў і, нават, фарба для прынтараў. Вобшук прайшоў у сувязі з крымінальнай справай па фальшываманецтве. У дзень пратэстаў - 12 сакавіка - прайшло яшчэ некалькі вобшукаў на кватэрах актывістаў, але тады ўжо нічога не забіралі - такім чынам сілавыя структуры, проста, блакавалі актывістаў у сваіх дамах.
І, хаця, на кампутарах нічога крымінальнага знойдзена не было, што было прадказальна, але экспертыза зацягнулася. Кампутары мусілі вярнуць яшчэ ў пачатку месяца, а вярнулі амаль на месяц пазней ды і тое не ўсю. Зараз у следчым камітэце яшчэ застаюцца тры прынтары актывістаў. Ці вярнулася тэхніка не паспаванай пакуль казаць рана - актывісты плануюць перадаць яе на сваю экспертызу, перад тым як выкарыстоўваць. Не рэдкія для Беларусі выпадкі, калі сілавыя структуры вярталі тэхніку сапсаваную, з вірусамі або знікалі асобныя файлы.
