Сёння 28-га сакавіка на свабоду выйшаў апошні "палітычны сутачнік" у Оршы Аляксандар Булаўка. Ён быў затрыманы праз некалькі дзён пасля "Марша не дармаедаў" 12-га сакавіка і асуджаны за ўдзел у ім.
Здавалася б, на гэтым рэпрэсіі павінны былі б скончыцца, але сёння позвай да міліцыі быў выкліканы сябра партыі КХП-БНФ Юрый Конышка. За ўдзел у той жа акцыі ён быў пакараны судом на 5 базавых велічыняў.
Таксама сёння раніцай да дому Ігара Казмерчака чарговы раз прыходзіў участковы міліцыянт. Ён прынес павестку на 29-га сакавіка ў Следчы камітэт, але дома рэдактара нашага сайта не было.
