На гэтым тыдні Днепр калі і рос, то рос вельмі мала. Два дні ўвогуле прайшлі без пад'ёму ўзроўня вады - 16 і 18-га чысла. Паміж гэтымі днямі - 17 сакавіка, Днепр, нават, змог апусціцца на два сантыметры адносна нулявога паста. Але аднадзённае падзенне не азначала канца паводкі, 19, 20 і 21 сакавіка Днепр працягнуў рост, але вырастаў за суткі на 1-2 сантыметры. Зараз узровень Дняпра знаходзіцца на адзнацы 302 сантыметра адносна нулявога паста.
Паралельна працягвае расці і тэмпература вады - на гэтым тыдні Днепр упершыню ў гэтым годзе дасягнуў тэмпературы ў 2 градусы па цэльсію - гэта было 19-га сакавіка, а 21-га сакавіка тэмпература была ўжо 2,5 градусы.
