Рэгіён, Здарэнні

Стральба ў Канстанцінава

14.02.2017 07:49

1443 прагляду, 0 каментароў

У вёсцы Канстанцінава Сенненскага раёна застрэлілі жыхара Віцебска

Віцебчанін быў невыпадковым госцем у вёсцы Канстанцінава, якая знаходзіцца па дарозе ад Сянна да Багушэўска. Тут, у доме свайго бацькі жыла яго дзяўчына, з якой - як паведамляе зводка міліцыі - 37-гадовы віцебчанін жыў разам. Падобна на тое, што гэтае суседства з сужыцелем сваёй дачкі не надта падабалася самому гаспадару дома - 63-гадоваму пенсіянеру. Як вынік, пасля ўжывання некаторай дозы алкаголя, пенсіянер пачаў сварыцца з хлопцам сваёй дачкі, а потым схапіў паляўнічую стрэльбу, якая аказалася яшчэ і не зарэгістраванай. А 15-40 11 лютага з дома пенсіянера мужчыну на хуткай павезлі ў бальніцу з агнястрэльным раненнем жывата. Але праз 5 хвілін мужчына памёр. Сам жа стрэл прагучаў а 13-40, і дзве гадзіны мужчыне ніхто не аказваў дапамогі. Стрэльба канфіскавана, а забойца затрыманы.