Сёлета прадпрымальнікі Беларусі перажываюць вельмі няпросты год. У цэлым па краіне, паводле дадзеных Нацыянальнага статыстычнага камітэта, у параўнанні з 1 снежня 2015 года колькасць юрыдычных асоб павялічылася на 0,5%, а вось колькасць ІП скарацілася на 3,3%. У Віцебскай жа вобласці, да якой адносіцца і Орша, зменшыліся абодва паказчыкі. Юрыдычных асоб стала менш на 2,8%, а падзенне колькасці індывідуальных прадпрымальнікаў рэкорднае па краіне - іх стала менш на 8,3% (!), і цяпер у Віцебскай вобласці толькі 22 438 ІП - менш за ўсе астатнія вобласці Беларусі.
Прадпрымальнікі Оршы доўгі час пратэставалі супраць новага патрабавання мець сертыфікаты на свой тавар. Некалькі месяцаў на рынках было неспакойна, але затым напружанне ўпала. Некаторыя прадпрымальнікі сышлі з рынку, але большасць вярнулася.
