Так скалалася практыка, што па кожным выпадку смерці працаздольнага чалавека ў лякарнях праводзіцца нарада дактароў, якія разбіраюць кожнае такое здарэнне. На гэтым тыдні кансіліюм прайшоў і па пытанні смерці грамадскага дзеяча Алеся Шутава. Папярэдні дыягназ падцвердзіўся - тромбаэмбалія лёгачнай артэрыі як наступства трамбозу венаў ніжніх канечнасцяў. Гэта цяжкі дыягназ як для лячэння, так і для дыягностыкі. Тромбаэмбалія не лечыцца нават у буйных медычных установах, а пры павышанай вазе дыягнаставаць тромб амаль немагчыма. Смерць пры такім дыягназе наступае вельмі хутка.
Нагадаем, што Аляксандар (больш вядомы як Алесь) Эдуардавіч Шутаў, які шмат гадоў быў рэдактарам нашага сайту, памёр 5-га кастрычніка ў бальніцы на Заходняй, куды быў дастаўлены з пнеўманіяй. Лячэнне ад пнеўманіі ішло паспяхова, але вечарам таго дня Алесь нечакана памёр.
