Пажар у шматпавярховым доме па вуліцы Грыцаўца ў Балбасава распачаўся вечарам 13-га верасня ў трохпакаёвай кватэры якая належыць мужчыне 1945 года нараджэння - паведамляе зводка МНС. На шчасце, здарэнне адбылося без чалавечых ахвяраў і, нават, без эвакуацыі суседзяў. У выніку пажару ў кватэры пашкоджана канапа і пасцельная бялізна.
Прычына пажару пакуль высвятляецца, але па досведу іншых пажараў можна здагадвацца, што калі ў кватэры пашкоджаны менавіта пасцельныя прыналежнасці, то гаворка можа ісці пра курэнне ў ложку.
