Сёняшняя зводка Віцебскага абласнога УУС паведамляе пра два здарэнні ў рэгіёне. Так, у перыяд з 4 па 5 верасня невядомы прабраўся ў падвал аднаго з дзіцячых садкоў Сененскага раёна і скраў адтуль бензарэз, які міліцыяй ацэнены ў 220 новых рублёў. А ў перыяд з 14 гадзін 2-га па раніцу 3 верасня невядомы падабраў ключы і залез у падсобку ЖЭУ ў Барані. З падсобкі, якая знаходзілася ў падвале жылога дома, быў скрадзены бензатрымер на сумум 200 рублёў.
Зводка МНС за 8 верасня паведамляе пра пажар у Оршы па вуліцы Максіменка. У выніку пажара ў пакоі прыватнага жылога дома пашкоджаны канапа і задымлены сцены і маёмасць.
