Нагадаем, што ў канцы ліпеня - пачатку жніўня на Дняпры здарылася небывалае. Выпадзенне вялікай колькасці ападкаў у вярхоўях ракі і адначасова вельмі гарачае надвор'е выклікалі затапленне велізарных тэрыторый, загніванне травы і масавы мор рыбы ад недахопу кіслароду. Прычым такіх маштабаў гібелі рыбы не памятаюць нават старажылы.
Прыкладна з 20 жніўня Днепр у Оршы сышоў з поймы і вярнуўся ў звыклае рэчышча. Цяпер ўзровень ракі складае 66 см. вышэй нулявога паста, што блізка да нормы. Тэмпература вады +20 градусаў. Праўда пакуль у вадзе яшчэ шмат рэшткаў гнілой арганікі, але яе колькасць патроху змяншаецца. Купацца ў Дняпры забаронена.
