"Чырвона-белыя" заўжды былі для "Оршы" нязручным супернікам. "Сіня-белыя" толькі ў першай палове бягучага сезону нарэшце ўпершыню перагулялі лідзянаў. Той матч у красавіку скончыўся вікторыяй "Оршы" 2:1. Але агульны баланс яўна на баку "Ліды". Яна атрымала 9 перамог над аршанцамі, аднойчы прайграла, яшчэ ў адным матчы зафіксавалі нічыю. Розніца забітых і прапушчаных мячоў таксама на карысць "Ліды" - 18-8. На полі "Ліды" ўсе чатыры матчы паміж камандамі нязменна сканчваліся перамогамі гаспадароў з агульнай розніцай 11-3.
Матч "Ліда" - "Орша" адбудзецца 20-га жніўня і пачнецца а 17:00. Гульня пройдзе на стадыёне "Старт". Кошт уваходнага квітка - 2 беларускія рублі.
