У Оршы распачаліся летнія адключэнні гарачай вады. Традыцыйна летам на ТЭЦ праводзяцца некаторыя работы, якія прадугледжваюць адключэнне цэлых мікрараёнаў на два тыдні кожны. Сёння без гарачай вады засталіся ўсе мікрараёны "Задняпроўе", Мясакамбінат, Ільнокамбінат. Тут гарачая вада з'явіцца цяпер толькі 21 чэрвеня. Сёння ж адключаныя, але на больш кароткі тэрмін, дамы ў раёнах Цэнтра, вуліцаў Астроўскага, Свярдлова і раён "Рэмзавод" - у гэтых раёнах вада знікне на 5 дзён - да 12 чэрвеня.
Другі этап адключэння гарачай вады ў горадзе прызначаны на ліпень. З 5-га ліпеня па 12 ліпеня зноў адключаць Цэнтар, раён вуліцаў Астроўскага, свярдлова, раёны Рэмзавода і на Ільнокамбінаце (па вуліцы Перакопскай дамы № 14,16,18,20,22,24,26,28). А з 5-га ліпеня па 19-е адключацца мікрараёны Молакава, Чаромушкі, Усходняя.
