У ноч з 12 на 13 красавіка а 2-20 у міліцыю паступіў тэлефонны званок пра тое што ў адной са школаў Барані знаходзіцца выбуховае прыстасаванне. Міліцыянты ўсур'ёз адрэагавалі на паведамленне, школа была праверна і, канешне, аніякай выбухоўкі знойдзена не было.
Псеўдамінёра вылічылі без вялікіх праблемаў і даволі хутка. Ім аказаўся жыхар Татарску 1955 года нараджэння, які працуе дворнікам. На момант тэлефоннага званка ён быў на моцным падпітку чым і тлумачыцца здзейснены ўчынак. Мужчына затрыманы, вядзецца праверка.
