Рабочы трэста "Белтрансбуд" звярнуўся ў міліцыю і заявіў пра крадзеж ровара. Невядомы з 20.00 4-га красавіка да 6.45 5-га красавіка скраў у яго ровар наўпрост з пад'езда дома. Менавіта раніцай 5-га красавіка мужчына і заўважыў, што ягоны ровар знік у невядомым кірунку. А між іншым транспартны сродак новы - 2015 года выпуску, маркі "Стэлс-Навігатар". Матэрыяльная шкода раўняецца 1,4 мільёну рублёў.
Міжраённы аддзел следчага камітэта ўзбудзіў крымінальную справу па частцы 1 артыкулу 205 Крымінальнага кодэксу Рэспублікі Беларусь.
Вясна - цяжкі перыяд для міліцыі ў гэтай сферы, менавіта ў гэты час адбываецца рэзкая актывізацыя злодзеяў, якія крадуць ровары. Звычайна крадуць не для свайго карыстання, а для продажу. Часта злодзеі паспяваюць перапрадаць ровар ужо ў дзень крадзяжу. Міліцыя просіць: уважліва сачыце за сваёй маёмасцю, каб яна не дасталася злачынцам!
