Орша, Культура

Алесь Еслікаў. Фотагалерэя

29.03.2016 19:46

1388 праглядаў, 4 каментара

На сайце новая фотагалерэя ад мастака Алеся Еслікава

На гэты раз сваю творчасць на нашым сайце прадставіў, напэўна, самы знакаміты фотамастак Оршы Алесь Еслікаў. Мастак звярнуўся зноў да відаў нашага горада. З аднаго боку, здавалася б, што мы не бачылі яшчэ ў Оршы - тыя ж дамы, тыя ж краявіды. Але паглядзіце, якія гэта краявіды. Асаблівасць творчасці фотамастака ў тым, што выявы, якія ён ставіць на першае месца, насамрэч, з'яўляюцца толькі фонам для таго, каб паказаць святло і... неба. У боьшасці фотаздымкаў галоўны сюжэт заключаецца не ў будынках і не ў людзях, а, менавіта, у небе. А яно ніколі не бывае аднолькавым. Таму і горад наш на гэтых фотаздымках з тымі ж будынкамі, якія шмат разоў фатаграфаваліся выглядае іншым - выглядае толькі фонам для аблокаў, Сонца, вясёлкі і святла.