У той снежаньскі дзень 2015 года 36-гадовы работнік камунальнай гаспадаркі зайшоў да сябра выпіць алкаголю і пасядзець. Нягледзячы на тое, што ў яго ёсць трое малалетніх дзяцей, мужчына затрымаўся ў сябра за спажываннем спіртных напояў. Затым таварыш праводзіў яго на прыпынак "Лядовы палац". Нечакана 36-гадовы мужчына стаў раздаваць кухталі ўсім - дзвюм цяжарным жанчынам, якія стаялі на прыпынку, і хлопцу, які стаў іх абараняць. У адной з ахвяраў ён выбіў з рук мабільны тэлефон, каб тая не здолела патэлефанаваць у міліцыю. А адыходзячы з прыпынку, дэбашыр дастаў нож і нанёс раненні сабаку. Гаспадыня пса і выклікала міліцыю. Але, баронячыся ад міліцыянтаў, тым жа самым складным нажом злачынца парэзаў аднаму з іх шчаку.
На судзе ён моцна раскаяўся ва ўчыненым і прасіў прабачэння ва ўсіх. Ахвяры даравалі яму, а суд вынес свой вырак. Бліжэйшы час мужчына правядзе ва ўстанове адкрытага тыпу. 4 гады абмежавання волі - пакаранне за "хуліганства" і "супраціў супрацоўніку міліцыі пры выкананні тым працоўных абавязкаў".
