Раней наш сайт падрабязна пісаў пра сітуацыю на трэнерскім мосціку футбольнага клуба "Орша". Папярэдні штаб у асобах Аляксандра Ладзянога і Вячаслава Герашчанкі быў адпраўлены ў адстаўку, на іх месца прыйшлі Юрый Канаплёў у якасці галоўнага трэнера і Васіль Дзятлаў у якасці памочніка.
Цяпер з "сіня-белымі" будзе працаваць і трэці трэнер. Ім стаў у нядаўнім мінулым яшчэ гулец "Оршы" Сяргей Чавідаеў. За сваю кар'еру паўабаронца паспеў пагуляць не толькі за "Оршу", ён абараняў колеры віцебскага "Лакаматыва-96", "Смаргоні", мазырскай "Славіі" і "Полацка".
Такім чынам, у бліжэйшых гульнях камандай будзе кіраваць трыо трэнераў. "Орша" пакрысе працягвае падрыхтоўку да новага сезону ў 1-й лізе чэмпіянату Беларусі.
На фота: Сяргей Чавідаеў яшчэ ў якасці футбаліста "Оршы" (аўтар здымка: Уладзіслаў Аксёнаў).
