Аршанка Таццяна Шаракова прыняла ўдзел у чэмпіянаце свету па веласпорту на трэку, які адбыўся ў Лондане. Толькі ў індывідуальнай гонцы пераследу Шаракова здолела выйграць бронзавы медаль. А вось гонка па балах, якую Шаракова выйграла на чэмпіянаце свету 2011 года, на гэты раз не пайшла - толькі 19-е месца.
Такім чынам у омніюме, які аб'ядноўвае ўсе трэкавыя дысцыпліны, золата заваявала Лаура Трот. Прадстаўніца Вялікабрытаніі на родным трэку набрала 201 пункт, акрамя таго яна заваявала золата ў скрэтчы на 10 кіламетраў. Лары Бэртон з Францыі стала срэбраным прызёрам, набраўшы 183 пункты. Сара Хамэр са Злучаных Штатаў Амерыкі набрала на адзін пункт меней за францужанку і атрымала бронзавы медаль.
Таццяна Шаракова ў омніюме была толькі 15-й, яна набрала 73 пункты. Наступны чэмпіянат свету па веласпорце на трэку адбудзецца з 12 па 16 красавіка 2017 года ў Ганконгу.
