У Оршы адкрыліся ёлачныя кірмашы, якія будуць працаваць да 31 снежня. Продаж навагодніх елак арганізавана ў Аршанскім лясгасе, адведзеных для гандлю месцах у Оршы, Барані, Копысі, Арэхаўскае, Балбасава. Лясгас будзе рэалізоўваць навагоднюю прадукцыю - елкі, дэкаратыўныя святочныя букеты, вяночкі - таксама ў суседніх раёнах. Усяго мяркуецца рэалізаваць больш за 4 тысячы елак.
Кошт іх у залежнасці ад вышыні дрэва - ад 40 да 250 тысяч рублёў. Ну а тых, хто захоча займець дармовую елачку і ссячэ ў лесе яе сам, можа паплаціцца штрафам. У гэтым годзе штраф за незаконную высечку дрэў складзе ад 5 да 50 базавых велічынь. Работнікі лясгаса папярэджваюць, што ў пераднавагоднія дні будуць рэгулярна праводзіцца рэйды зялёнага патруля і карацца парушальнікі .
