Нацыянальнае ўпраўленне архіваў Злучаных штатаў Амерыкі рассакрэціла частку спісаў цэляў ядзерных удараў, якія маглі б адбыцца з боку краінаў НАТА па Савецкім Саюзе. У адным спісе наш горад праходзіць як цэль удару №2. Нумар два азначае, што наш горад павінен быў быць знішчаны ядзернай бамбардзіроўкай у другую чаргу пасля Украінскага Быхава.
Увогуле ў спіс, дзе знаходзіцца Орша, патрапіла 1100 аб'ектаў - гэта аэрадромы СССР і краінаў блокаў Варшаўскай дамовы. Наш горад патрапіў у гэты спіс, бо ён быў стратэгічна важным для абароны Савецкага Саюза - у часы Халоднай вайны ў розныя гады ў Оршы знаходзілася, прынамсі, 6 вайсковых частак (пасля распаду СССР у пачатку 90-х заставалася яшчэ 3). Да таго ж, у Балбасава - побач з Оршай - знаходзіўся вайсковы аэрадром, на якім месціліся бамбардзіроўшчыкі, якія павінны былі панесці бомбы з ядзернай боегалоўкай на захад.
Савецкі Саюз не вытрымаў Халоднай вайны, якая і скончылася з яго развалам, большасць вайсковых частак з горада і раёна былі выведзены і, можна сказаць, ядзерная небяспека мінавала.
