Беларусь, Культура

Пяцігоддзе і ўдалы эксперамент

23.12.2015 11:21

1403 прагляду, 7 каментароў

Гурт Vuraj адзначыў сваё пяцігоддзе сольным канцэртам, прэзентацыяй міні-альбома і экспераментальнай песняй

Разам з Vuraj 22 снежня ў Мінску выступіў гурт CherryVata. Супольны выступ стаў не выпадковым - зусім нядаўна гурты запісалі супольную песню. Пры гэтым, для гурта Vuraj - вакалістам якога з'яўляецца ўраджэнец Аршаншчыны Сяржук Доўгушаў - гэта паўнавартасны эксперамент. Гурт заўсёды выступае ў жывую - жывы вакал і інструманты, а CherryVata прапанавалі дадаць у супольную песню электронных гукаў. Эксперамент аказаўся ўдалым, яшчэ да шырокай прэзентацыі песні яна атрымала добрыя ацэнкі экспертаў і таму была запісана на відэа для навагодняга праэкту тэлеканала "Белсат". Праэкт называецца "Новае пакаленне на Новы год" і выйдзе ў эфіры спадарожнікавага тэлеканалу ў Навагоднюю ноч.