Двое міліцыянтаў дэпартамента "Ахова" Дзмітрый Магера і Андрэй Мезаўцоў патрулявалі горад па сваім маршруце. На адной з цэнтральных вуліцаў горада - вуліцы Машэрава саслужыўцы пабачылі ляжэачага на зямлі сталага мужчыну, вакол якога мітусілася некалькі чалавек. Побач з мужчынам была і яго жонка, якая патлумачыла, што муж хварэе на цукровы дыябет, не прыняў своечасова лекі, страціў свядомасць, упаў і разбіў галаву.
Хуткую на той момант ужо выклікалі, але міліцыянты на месцы здарэння выпадкова аказаліся раней. Сяржант Мязаўцаў і старшына міліцыі Дзмітрый Магера пачалі аказваць першую медычную дапамогу - непрамы масаж сэрца. Пасля чаго мужчыне стала лягчэй і ён, прыйшоўшы ў свядомасць, нават, паспрабаваў устаць.
Паводле народных навінаў Віцебска
