У Баранавіцкім раёне быў затрыманы аўтамабіль "Фольксваген-Гольф" з каністрамі дызельнага паліва. За стырном транспартнага сродку знаходзіўся аршанец. 46-гадовы жыхар нашага горада, як паведамляе Intex-press са спасылкай на Інспекцыю па падатках і зборах, набыў 200 літраў паліва для ўласнага карыстання і накіроўваўся разам са сваімі сябрамі ў Ваўкавыск. Літраж удвая перавышае ўсталяваную норму.
Цяпер аршанцу пагражае штраф да 100 базавых велічыняў згодна з часткай 3 артыкулу 12.30 Адміністратыўнага кодэкса РБ. Такім чынам, аршанец можа быць аштрафаваны на 18 мільёнаў рублёў, а дызельнае паліва, набытае ў Расеі, дзе яно каштуе танней, можа быць канфіскавана на карысць дзяржавы.
