Чарговы тур 1-й лігі чэмпіянату Беларусі зноў яскрава паказаў, што Орша і Слонім застаюцца на першых месцах па наведвальнасці стадыёнаў. Гульню "Оршы" з "Рэчыцай-2014" наведалі 1700 гледачоў, а матч "Слонім" - "ГЧТ" 1600 чалавек. Самым непапулярным паядынкам стаўся матч у найбуйнейшым горадзе краіны - Менску. Гульню "Іслач" - "Крумкачы" назіралі 300 чалавек. Сярэдняя наведвальнасць матчаў склала 863 чалавекі.
Мы недарэмна пішам у загалоўку "застаюцца зверху", бо і раней, яшчэ ў 2-й лізе "Орша" і "Камунальнік" (цяпер "Слонім") былі самымі папулярнымі клубамі дывізіёну. Сітуацыя ніяк не змянілася праз некалькі год і ў 1-й лізе. Канкурэнцыю можа скласці хіба Магілёў, дзе выступае "Дняпро", што выляцела з вышэйшай лігі і мае даўнія традыцыі. У гэтым туры "Дняпро" гуляла на выездзе ў Смалявічах.
