Частка машын у цэнтры нашага горада апоўдні 18-га красавіка стаіць у заторы, некалькі машын стаяць нават на завулку Паштовым, чакаючы сваёй чаргі ўехаць на Карла Маркса.
Пераважна заторы звязаныя з блізкай Радаўніцай. Беларусы здавён маюць традыцыю прыбірацца на могілках, дзе пахаваныя іхнія сваякі. Даволі часты маршрут аршанцаў ідзе менавіта на могілкі ў Ларынаўцы, куды з горада вядзе менавіта мост цераз Дняпро ў раёне "Кацюшаў". Таксама "вязкасць" затору мае залежнасць і ад схемы аб'езду, бо іншы мост у раёне ільнокамбінату пакуль не адчынілі.
