У госці да нашай каманды прыедзе каманда з Узды "Беліта-Вітэкс". Узда - далёк не самае футбольнае месца на мапе Беларусі. Аднак сёлета ў населеным пункце знайшлі фінансы, каб заявіць каманду, якая раней гуляла ў чэмпіянаце Менскай вобласці пад назвай "Узда" - у 2-ю лігу. І на дадзены момант справы ў клуба ідуць няблага. Праўда, для выступу ў 2-й лізе каманду пераназвалі ў "Беліту-Вітэкс", тым самым ушанаваўшы імя галоўнага спонсара каманды. За гэта клуб ужо атрымаў мянушку "шампуні".
Раней "Орша" і "Беліта-Вітэкс" не сустракаліся ніколі, гэта будзе першая сустрэча клубаў паміж сабою. Гульня адбудзецца на Гарадскім стадыёне, пачатак а 15:00.
Табліца: ОРША - 20 (8), Беліта-Вітэкс - 17 (8), Крумкачы - 15 (8), Жлобін - 14 (8), Баранавічы - 11 (7), Ждановічы - 5 (8), Прамень - 3 (7), Кобрын - 2 (8).
Наш сайт правядзе анлайн-трансляцыю гульні.
