Каля вёскі Засценкі Дубровенскага раёна была затрымана машына "Volvo F-12". Затрыманне правялі супрацоўнікі ДАІ. Індывідуальны прадпрымальнік з Оршы 1969 года нараджэння вёз у ёй 18 тысяч літраў піва "Абалонь". Агульная сума тавару, ніяк не задакументаванага, склала звыш 262 мільёнаў беларускіх рублёў. Груз канфіскаваны, праводзіцца праверка.
А на дарозе Дуброўна-Ляды каля вёскі Казьяны быў затрыманы "Фольксваген-Туран". Беспрацоўны жыхар Магілёва 1968 года нараджэння перавозіў гарбату і каву на суму амаль 12 мільёнаў рублёў. Акцызныя маркі не прысутнічалі на прадукцыі. Складзены адміністратыўны пратакол.
