Следства супраць доктара-неўролага "Дубровенскай ЦРБ" пачалося яшчэ напачатку 2013 года, калі паступіла аператыўная інфармацыя, што доктар бярэ грошы за тое што выпісвае фіктыўныя даведкі аб прахаджэнні медычнай камісіі для аўтамабілістаў і бальнічныя. За час следства выяўлена 28 фактаў атрымання хабару ад 16 чалавек. Агульная сума на якую разжыўся амаль за паўтары гады доктар 3.500.000 беларускіх рублёў. Яшчэ да суда медыка арыштавалі і звольнілі з працы.
Напачатку жніўня суд Дубровенскага раёну прыгаварыў доктара да трох гадоў адбывання пакарання у калоніі ўзмоцненага рэжыму з канфіскацыяй маёмасці і забаронай займаць кіроўныя пасады у арганізацыях аховы здароўя.
