15 ліпеня ў Хорабраве былі заўважаны невядомыя з расейскімі сцягамі. Пра гэта паведаміў сведка падзей, актывіст аргкамітэта па стварэнні партыі "Беларуская хрысціянская дэмакратыя" Яўген Анішчанка. Актывісты выклікалі супрацоўнікаў міліцыі на пераезд, дзе невядомыя былі затрыманыя.
Распаўсюджвалі сцяжкі жыхары Барысава — Ціханаў Максім Андрэевіч, 1989 нараджэння, і Жыльцоў Павел Васільевіч, 1977 года нараджэння, абодва глуханямыя. Ціханаў паведаміў, што сцяжкі ім прывозяць з Расеі і аддаюць на распаўсюд бясплатна. Глуханямыя прадаюць сцяжкі, і ўсе выручаныя грошы ідуць ім. Разбіральніцтва працягваецца, піша "Наша Ніва". Варта адзначыць, што сімволіка суседняй дзяржавы занадта часта сустракаецца ў Оршы, у прыватнасці, у маршрутных таксі.
