Орша, Спорт

Разгром «Хіміка»

24.05.2020 12:38

1197 праглядаў, 0 каментароў

Футбалісты «Оршы» не пакінулі ніякіх шанцаў светлагорскім гасцям.

У матчы 6-га туру чэмпіянату Беларусі па футболе сярод каманд Першай лігі "Орша" сустракалася з "Хімікам" са Светлагорску — адзінай камандай, якая выступае ў адной і той жа лізе ад самага пачатку незалежнасці. Матч сіня-белыя правялі ўпэўнена і ўжо на 12-й хвіліне адкрылі лік. Жалезнікаў разабраўся з супернікам паблізу чужой брамы і дакладна прабіў — 1:0. Далей аршанцы валодалі перавагай, толькі на невялікія адрэзкі аддаючы мяч і магчымасць праводзіць атакі гасцям. У другім тайме сіла аршанцаў была даведзеная яшчэ трыма галамі. Двойчы Шугункоў і аднойчы Джугір давялі лік да 4:0. Аляксандр Вопсеў у канцы сустрэчы даў дэбютаваць за "Оршу" ў афіцыйных матчах брамніку Антону Пугачу, выпусціўшы яго на поле замест асноўнага брамніка Іллі Маталыгі, якога пакуль можна з перакананнем назваць адным з лепшых у "Оршы" ў першых турах.