Тое, што ўздоўж Магілёўскай шашы пад Оршай вяліся расстрэлы ахвярам Сталінскіх рэпрэсій было вядома даўно, але ў адрозненні ад Кабыляцкай гары тут помнік у 90-я гады паставіць не паспелі, хаця выканкам і абвяшчаў конкурс на праэкт помніка. Пытанне гэтае ў 2018 годзе паспрабавалі вырашыць грамадскія актывісты, якія ўсталявалі тут невялікі крыж з шыльдачкай.
Крыж на Магілёўскай шашы хутка стаў месцам ушанавання памяці расстраляных. Сюды прыязжалі дэлегацыі, людзі самі па сабе прыносілі кветкі і г.д. Але ў пачатку гэтага года стала вядома, што крыж быў зламаны нейкімі невядомымі вандаламі. А шыльда, якая была прымацаваная да крыжа бязследна знікла.
Тым не меньш, людзі і зараз прыходзяць да крыжа з кветкамі. Ужо сёння на рэштках крыжа прывязаныя штучныя кветкі.
На фота: як выглядаў крыж раней
На фота: зламаны крыж
