Аршанскі райвыканкам зацвердзіў пералік арганізацый гандлю, якія будуць ажыццяўляць выдачу прадуктаў харчавання для дзяцей 0-2 гадоў у рамках адраснай сацыяльнай дапамогі. Адпаведнае рашэнне ад 29 студзеня 2020 г. № 114 апублікавана сёння на Нацыянальным прававым інтэрнэт-партале. У спіс увайшлі восем крам ААТ «Орша-Сэрвіс». Шэсць з іх знаходзяцца ў Оршы, па адной — у Барані і Балбасаве.
На бясплатнае дзіцячае харчаванне ў рамках дзяржаўнай адраснай сацыяльнай дапамогі могуць разлічваць:
Сем'і, якія маюць па аб'ектыўных прычынах сярэднедушавы даход сям'і ніжэй за крытэрый патрэбнасці (з 1 лютага 2020 года гэтыя 239,87 рубля);
Сем'і пры нараджэнні двайнят, трайнят і большай колькасці дзяцей незалежна ад велічыні сярэднедушавога даходу.
