Ашуканцы знайшлі новы спосаб красці грошы з картак даверлівых людзей. Ужо пацярпелі дзве аршанкі — у іх скралі больш за 900 рублёў.
Абедзве гісторыі пачыналіся з тэлефоннага званка. Суразмоўца прадстаўляўся супрацоўнікам бяспекі банка і паведамляў, што па іх картах правялі падазроныя аперацыі. Каб іх адмяніць, неабходна было паведаміць код, які паступіць у СМС ад банка.
Жанчыны паведамлялі ашуканцу поўныя рэквізіты карты, уключаючы CVV — трохзначны код на абароце, а затым і код з СМС які станавіўся апошнім крокам для ўзбагачэння махляра.
Варта адзначыць, што злачынцы спрабавалі такім чынам выкрасці грошы яшчэ ў некалькіх жыхароў райцэнтра, але дзякуючы іх пільнасці давесці задуманае да канца ў зламыснікаў не атрымалася, паведамілі ва УУС Віцебскага аблвыканкама.
